நினைவுகள்…

பறவை போல் இருக்கிறாய்

இரவெல்லாம் பறக்கிறாய்

நெருங்கினால் எரிகிறாய்- நீ யாரோ?

மேகக் கூட்டம்

புணரும் வானில் தரிக்கிறாய்

கரையில் மோதும்

கடலின் அலையில் எழுகிறாய்

மலையில் வீசும்

தென்றல் காற்றில் மலர்கிறாய் - நீ யாரோ?

என்னை துரத்தும் பொழுதிலே

உன்னை தொலைத்து விடுகிறாய்

எனக்குள் இருக்கும் உன்னை

வெளியில் தேட சொல்கிறாய்

காற்றின் கரங்கள் பற்றியிழுக்க

மறுந்து மீண்டும் இணைகிறாய்- நீ யாரோ?

மரணம் வீழ்த்தி பிறக்கிறாய்

மீண்டும் மீண்டும் வருகிறாய்

உறங்கும் போதும் வருகிறாய்

உறங்க விடாமல் தடுக்கிறாய்

விழித்துக் கொண்டால் மடிகிறாய்

மடிந்தும் மீண்டும் துளிர்கிறாய்- நீ யாரோ?